Pasensiya na sa pansamantala kong katahimikan. Kinakailangan kasing gamitan ng kaunting isip ang nakaraang mga araw. Kababalik lang ng written assignment namin at ngayon naman ay naghahanda ako sa oral presentation namin. Siyempre pa kinarir ko ang powerpoint. Para na namang piyesta. Pwede kayo magcolors check, unti lang ang wala. Hahaaha!
Anyway, nakita ko na ang isang Pinoy na Pinoy na tindahan dito sa Brisbane, ang BestFriends. Mga Bisaya ang may-ari. Natutuwa ako dahil nagtatagalog talaga mga tao pati sa mga customers. First time kong nakapagtanong ng “magkano to? Pwede bang tingi?” Hahaha! At higit sa lahat, gusto ko sanang pakyawin ang Lety’s Buko Pie! Sa elbi favorite namin yun. Tapos nakakita ako ng mga Nova, Stik-O, naalala ko sari-sari store ni mama.
Sa Bestfriend din lang, habang namimili ako naappreciate ko si mahal. Yung tugtog kasi “Aga, Aga I love ka you, Piolo, Piolo, I like you. Jimboy, Jimboy, I hate you... e kasi naman niyoyoko mo ako.” Hahahha! Grabe tumatawa ako mag-isa habang namimili. Tapos kanta pa si Willy, “Ikaw na nga,ang hinahanap ng puso...” Susme, pinapatay ko radyo sa Pilipinas pag nadidinig ko yun, dito parang gusto kong i replay.
Tapos naexcite ako bigla, tanong ako. Meron ba kayong Bench Eight? Paubos na kasi pabango ko. Tapos sabi nung mama, wala e. Pinakita sakin yung mga Bench products na available. Yung kay Regine at Dingdong Dantes lang ang available. “Ito na lang “Desired””. Sabi ko, magkano ba yan? Tapos mejo mahal siya. “Kasi gamit daw ni Dingdong Dantes yan”. Hahahaha! Tawa talaga ako ng malakas. Parang sa Pinas lang talaga: Bili ka na, dahil gamit ito ni mega! Hahaha! Parang bigla ay gusto kong hanapin, anjan ba yung gamit naman ni Richard Gomez? Ni Aga?
Subscribe to:
Post Comments (Atom)
0 comments:
Post a Comment